AKONG MAHAL NGA MGA IGSOON SA BALANGAY BADBAD ORIENTAL
Pre-election Message
From Kagawad Arnulfo ‘Cocoy’ Laniba
Sa akong pribado nga negosyo o panginabuhi, ug sa taas na nga mga katuigan ilabi na sa pagsulod naku sa Konsiho sa balangay sugod niadtong 2000, ako nang nadiscuss or nahisgot kaninyo sa dili na maihap nga higayon sulod sa session, sa general assembly, or panahon sa birthday, o sa mga tindahan, o didto sa merkado, o diha ba sa daplin sa dalan, ang (1) pangandoy sa akong kasingkasing og (2) mga plano sa akong pangisip alang kaninyo dinhi sa atong balangay, nga mao ang: inyong kaugmaran, kalambuan, kalipay, kalampusan ug kagawasan sa piit ug lisod nga panginabuhi ug kakabus.
Sa unsang mga pamaagi? Kini ako na sad nga nadiscuss sa makanunay kaninyo. Mga strategy:
Una: Pagpalig-on sa PRIMERONG PANGIBUHI (Reinforce and strengthen main occupations). Unsa man ang mga primero o gisaligan natung mga panginabuhi? Panguma, pamanday, pangluto ug pan, driving, mga professions, ug uban pa. Dili mo-saka ang income sa atong mga panday ug mason, abot sa atong mga mag-uuma, manananggot, bakers, ug uban pa kun (1) walay bag-o ug mas maayong mga tools o gamit pamanday o unsa pa; ug (2) kun walay dugang uswag sa abilidad or kahibalo sa panarabaho (new technology and skills improvement).
Tungod kay daghan kaayo sa atong mga kalalakin-an ang panday ug bakers, ako nang gibalik-balik ug sulti ug awhag nga mga electric planers, electric mixer, tiles cutter, electric drill, ug uban pa para sa mga panday aron mosaka ang kalidad ug kapaspas sa ilang trabaho nga mosangko ug saka sa sweldo o income.
Mao usab kana sa atong mga bakers: kun may set sa mga ekwipo o gamit ang atong mga bakers, sama sa oven, roller, plantsa ug ubn pa, maka-tukod na kini sila ug bakery ug makabarog sa ilang kaugaingon. Daghan na usab silang matabangan. Karon, nanga-stak-ap intawon, wala moasinso. Ngano man? Kay ang atong pamunuan dili parihas sa
Kita, unsay giuna dinhi sa atong nasud? Waiting shed! Walay puas pag-grader sa kalsada aron way puas pud ang kikbak. Mga bilding o infrastructura nga dapat segunda ra kay kasagaran niini dili makahatag ug income ni makasulbad sa kagutom sa atong katawhan. Nia poy kalsada, importante man ang uban, dili sad sementohon aron magsigig kaguba aron may balikon ug kikbak sunod mga tuig. Ang uban kalsada, dili na importante kay sa pagsulbad sa atong kalisud ug kakabus.
Ikaduha: Himuon nga kasaligan ang support nga livelihood sama sa mag pagbuhi ug kahayupan, paggama ug baskit ug uban pa.
Sa pagkakaron walay klaro ang mga livelihood – walay klarong ginansya. Mora ra ug alkansiya, usahay arkansiya na gyud! Hahay!
May paagi kita niana. Sama sa: kaugalingong feed mill aron mabarato ang feeds. Maka-“save” nata ana. Maka-“net income” na ta ana. May ginansiya na. Aron ang atong baka puhon mabaligya sulod sa 2 ka tuig, ug mga P20,000.00 ang halin, atong padaghanon una ang mga lawog sama sa napier. Daku naman kaayo ang luna nga atong gibiyaan nga sa una mga kaumahan, pwede natu kining tabuan o hunsan with free snacks ug kinilaw gasto sa barangay aron atong tamnan ug mga tinudling nga mga napier. Ug aron dili kaayo usik ang panahon, atong sukipan o insertan ug tinudling nga mga mangga, o ubang mga prutas, mga lubi, mga mahogany, tugas ug uban pa nga makwarta o kapahimuslan nga mga tanom nga muhangtod. Dili na gayud kanang mga “useless” o walay-gamit nga mga sagbot, tunok o kupong-kupong!
So, klaro na ang unahan. Di ba? Kun magtinabangay ta. Kun atong gamiton ug tarong ang atong 20% Development Fund.
Mga professions nga gidalit sa atong edukasyon, dapat masaligan nga muhatag ug kaharuhay. Karon, subo kaayo nga palandungon nga nagkadaghan ang mga graduate ang nakaamgo nga dili kaluwasan sa kakabus ang ilang naabtan human sa eskwela, kun dili unemployment kun pagka-walay trabaho, kakabus. Namiyang ang paglaum sa mga ginikanan nga ang edukasyon makahaw-as nila sa kakabus.
Ato kanang sulbaron.
* * *
Ang main occupations or gisaligang trabaho (main occupations) ug ang support nga livelihood, wala matagai ug prioridad sa karon namo nga administrasyon. Na-focus ang edukasyon pero nabiyaan ang agricultura. Dakong sayop kana. Ang agriculture ilabi na kun kini land development into sustainable orchard (kaprutasan) magadala ug long-term nga kaadunahan sa pamilya ug kaliwatan kay pinaagi sa abot sa prutas, ang pamilya aduna nay funds para dugang pang development sama sa education, talent development, ug maghatag usab kini ug free capital para sa negosyo, dili susama sa piligro nga loans. Daghang negosyo ang nabankrupt tungod sa loans, inay molambo.
Kining mga pagmatuto wala mabuhat sa atong gobyerno, local or national man. Lain ilang gibuhat: pagdaut hinoon.
NON-RESPONSIVE GOVERNMENT
Sakto kaayo ang obserbasyon sa atong mga igsoon nga ang administrasyon, balangay o lungsod, o probinsiyal ug national man ugaling, nahisusama sa
Dili na kinahanglan molangyaw o mogawas pa ang kadaghanan kanato diin sila nag-antus sa hilabihan nga kamingaw ug pagpang-aboso sa mga langyaw nga mga amo. Dili na kinahanglan kun kamao ang mga lider ug mga tawo.
Ang mga nasud nga responsive sa ilang mga katawhan nagmalamposon sa ilang pag-hatag ug panginabuhi ug kaharuhay sa ilang mga katawhan diha ra sa ilang nataran o motherland. Wala kay makita nga asawa o inahan nga Amerikana o Haponisa o Germana nga mianhi sa Pilipinas aron magpa-maid o magbaligya sa ilang mga unod o lawas!
Apan ang Pilipinas? Matud sa survey, sa kada 20 ka mga Pilipina nga migawas, 19 kanila ang nahintumpawak sa abuso sama sa pagka-domestic helper ug pagbaligya sa ilang lawas. 1 lamang sa kada 20 o 5% ang may luwas ug desente nga trabaho sa gawas!?
Ug wa tay himoon pag-bali sa sitwasyon, magkasamot ang pagpanglayas o pagpanggawas, kay wala man gayoy mapakaon sa atong mga anak ug asawa dinhing dapita. Musogot ba kamo mga amahan o bana, nga buhion kita sa dollars sa atong mga asawa o mga anak babaye pina-agi sa ilang pagbaligya sa ilang mga unod sa Japan o uban pang nasud? Musugot ba kita nga buhion ta sa atong mga anak pinaagi sa ilang pagpaulipon sa laing mga nasud? Mga inahan biyaan ang ilang pamilya aron pag-atiman ug laing pamilya aron lamang mabuhi ang atong pamilya? Unya kita magsugal nalang dinhi kay hayahay naman, may dollar naman, samtang atong mga anak mangadugta sa drugas kay matud pa sa formula: empty heart + full pocket = drug addict? Ang kaguol ug kamingaw sa atong mga anak sa ilang pinanggan mga inahan + dollar sa ilang mga bulsa = tukbon sa mga drug pushers.
Kalooy o simpatiya ug pagtinabangay ang atong gikinahanglan karon, dili ‘blaming’ o panghinaway. Kay kun dili kita gusto nga mahitabo kini sa atong kaugalingon, then, dili usab kini natu itugot nga mahitabo sa atong isig-kaingon o mga kaigsoonan. That’s the golden rule of love. We have to do our best as leaders to avoid any danger to befall the families of our people.
Wala ba kamo ka-apas sa nahitabo karon nga sa bilyon ka pesos nga remitans sa atong mga OFWs apil mga seaman, mohalos 30% niini tua paingon sa bulsa sa mga DRUG LORDS? Ug kining mga druglora mao sila ang nagmanok sa eleksiyon sa atong mga na-opisyal na karon sa goberno. Gusto nila nga magpadayon ang “deployment” o pagpagawas sa atong ilabina mga kababayen-an aron WALAY INAAN (hen) SA BALAY NGA MOHIPOS SA MGA PISO (chicks) PAGKAKILOMKILOM. Ang inaan lamang maoy may gugma ug abilidad sa paghipos sa iyang mga piso pag-abot sa kilum-kilom aron maluwas kini sa mga manunukob! Kun walay protector nga inahan, masamot kasayon ang paghimo sa kabataan ngadto sa pagka-drug addict. Lucrative ang negosyo sa drugs kun magkadaghan ang mga anak nga may inahan nga OFW.
Balik Nanay sa balay, balik kalipay! Tatay ang dapat saligan sa pagpangita sa panginabuhi. So, tabangan natu ang mga Tatay sa ilang mga main nga occupations, ug ang mga Nanay sa ilang mga support livelihood.
Wala pa kaayo mahitabo kining pagpang-abroad dinhi sa atong balangay, pero hagbay ra ang pagpanglangyaw sa laing lugar dinhi sa Pilipinas, apan paingon na dihang dapita. “Abroad” nay destinasyon sa atong mga educated kunuhay nga mga anak. Wa mo masayud unsa ka piligro sa gawas? Gamay ra kaayo ka porsento sa total number of OFWs ang tua sa luwas ug hayahay nga trabaho sa U.S., Canada, Australia, o Europa. Ang pinakabagang panon tua sa Middle East, Japan ug uban pa diin sila gi-maltrato, giamong-amongan, gipasakitan.
Makatugot ba kita niana nga mahitabo, magpadayon ug magkadaghan?
2 IMPORTANT QUALIFICATIONS SA MAAYONG LIDER
Gugma ug kaalam sa pamunuan ang gikinahanglan. Kinahanglan lantip ang salabutan ug ang kasingkasing buutan ang tagaan ninyo ug higayon nga makahupot sa rinda ug panudlanan sa atong goberno kay sila kasaligan ug buutan. Dili nila kawaton ni usik-usikan ang buhis ug resources sa katawhan. Kun dili, ila kining gamiton pagsulbad sa mga problema, paghatag sa mga panginahanglan sa katawhan, pag-suporta sa kahuyang o kakulangan sa atong work force o pwersang nagtrabaho., pagsumpo sa mga crimen ug makadaot nga bisyo, pagpaligon sa panginabuhi, paghatag ug gamhanan nga kaalam ug edukasyon nga makahaw-as natung tanan gikAn sa kalisod ug ignorance o pagka-walay-hanaw. Dili usikan sa mga buutan nga mga lider ang bisan usa ka sentimo sa inyong buhis, kun dili, paanakon pa kini ug dugang mga kaayuhan o ginansiya.
Duha ka pinakaimportanteng kwalipikasyon sa maayong lider: 1) buutan nga kasingkasing nga puno sa gugma ug kalooy sa mga kabus, ug 2) malantip nga salabutan.
Mao kana sila ang saligi sa inyong mga buhis. Mao kana sila ang piila pagka-kagawad, pagka-kapitan, pagka-mayor, pagka-gobernador, pagka-congressman, pagka-senador, pagka-presidente, ug uban pa.
Ayaw kadtong may lantip nga salabutan lang pero dili buutan ang kasingkasing kay kini hawod molansis sa mga katawhan alang lamang sa ilang kaugalingon ug pamilya. Himoong panakip-butas o supsupan lamang ang katawhan. Walay mahatag nga kaayuhan.
Ayaw usab tong buutan pero walay kahibalo kay dabong pa sila. Ang pagdala ug katawhan nagkinahanglan ug kaalam o kahibalo unsaon nga ang ilang kalooy ma-translate into food, clothing, shelter, education, health, freedom, happiness ug prosperity sa atong mga katawhan. Dili igo ang gugma ug kalooy. Nagkinahanglan ug kaalam aron ang gugma ug kalooy mahimong kongkreto: makamot, makaon, makita, mahimoslan, makatabang – mahimong pagkaon, trabaho, ug uban pang mga panginahanglan sa katawhan.
Ang aksyon dali ra kun may gugma ang dughan ug may kaalam ang ulo.
Ikatulong prioridad nga plataporma: EDUKASYON NGA KASALIGAN UG MAKATABANG SA KATAWHAN NGA DILI NA KINAHANGLAN MOADTO PA TA SA LAING NASUD. EDUKASYON NGA MAKAHIMONG KWARTA SA ATONG MGA BATO, DANGGAY, TUBIG, KAHOY, PRUTAS, UG UBAN PANG MGA RAW MATERIALS. DILI EDUKASYON NGA IPAKAWAY-BILI LAMANG ATONG MGA DIPLOMA SA LAING NASUD; HIMOON LANG TA NGA ULIPON UG SULUGOON, DAUG-DAUGON. Kanang edukasyon o kahibalo ba nga maka-convert sa atong kabugangan ngadto sa usa ka nindot nga well-designed nga luna, diin may mga tinudling o maayong pagkahiluna nga mga prutas, bulak, nindot nga pagka-landscaped nga lugar, may nindot nga balay sa taliwala, may harden, may gamay nga park, ug uban pa nga kaanindot bisan kabus kita dinhi sa kabukiran, dapat himoon natu ang atong kabugangan nga gamayng paraiso kada pamilya! Paraiso, yes, paraiso. Kun nahimo kana sa mga Ayala, nganong dili man natu mahimo? Aron nindot usab ang atong retirement puhon dinhi sa atong lugar nga natawhan. Gawas lang sa pipila, kun adto kita sa laing nasud, pangutana: Makapalit kaha kita ug yuta ug makatukod ba kaha kita ug nindot nga balay didto? O muoli ba kaha kita?
So, planohon natu daan ang ugma. Ang mga hapon, 250 ka tuig ang gitas-on sa ilang mga plano! Sa mga Intsek, may sanglitanan: “Kun plano ka mubo, tanom mubo sama sa monggos ug mais. Kun plano ka katuigan alang imo kaliwatan, tanom kahoy ug prutasan. Kun plano ka taas kaayo, ugmara kaisipan (edukasyon) imo katawhan.” So, (1) short-term or immediate, (2) medium range ug (3) long-term planning. Importante kini sila pulos. Kun may mapabayaang usa kanila, may maot nga resulta.
For example: Kun ang atong mga apuhan, may orchard or prutasan pa nga gibilin kanatu, dan, hayahay unta kita karon. May source na unta kita ug way undang (continuous, yearly) nga free capital para sa atong mga negosyo, di unta ta ma-gaid sa mga loan sharks, di na unta kinahanglan pag mangloan. May igo untang kwarta aron i-develop sa atong mga talent. Unya, ang abot sa atong kamanggahan o prutasan na unta ang mo-suportar sa atong talent o profession aron kini malantip. Unya ang atong mga talent nga well-developed, maka-milyonaryo unta natu, parehas ni Sharon Cuneta ug Jose Marie Chan, dili ba?
So, ma-imagine natu nga haruhay ang kinabuhi kun taas taas pa unta ang mga panglantaw sa atong mga katigulangan, dili lang kutob mais. Kay pagkawala na nila, ang mais napulihan man ug cogon. Mao kini usa sa mga pipila ka mga sayop sa atong mga katigulangan nga gusto nakong makorehian tungod ug alang sa atong musunod nga kaliwatan. So, dili lang gyud kamaisan lang. May long-term plan usab. Pero kun wala kay taas nga gugma, unsaon man nimo pagtaas sa imong panglantaw ug pagpangadam? Busa, kinahanglan lapdan-lawman natu ang atong mga kasingkasing, dak-an natu ang atong gugma, tas-an natu ang atong mga panglantaw, mas taas pa kay sa atong mga ninuno. Sama sa Sony sa Japan, 250 years ang ilang planning.
Akong damgo simple lang: Kada pamilya natu tibook, wala magbungkag, mga babaye wala manggawas aron magpa-“maid”; malipayong pamilya, mauswagon, ug labaw sa tanan suod kaayo sa atong Dios Amahan nga maoy tinubdan sa atong kinabuhi, kaluwasan, kauswagan, kalipay, kagawasan ug kinabuhing hangtod ug walay katapusan.
Di na kinahanglan kaayo ang mga gadgets o subra modern nga gamit, nga mao hinuoy makahimo natung materialistic ug mahilayo kita sa Dios ug sa atong pamilya. Gamay lang. Kana lang gikinahanglan. Basta ang mas importante: Love, unity, harmony and true happiness nga dili madalit sa mga material nga mga butang. Subra nga ambition, maka-daot, maka-pabulag sa kaminyoon, ug maka-bungkag sa pamilya.
Kun may molangyaw man ugaling sa halayong dapit o kanasuran, kana mga lalaking batan-on, dili gayud mga babayeng dalaga, asawa ug inahan. Kun mahimo lang. Atong himoon. Ato lang palangyawon ang atong mga dalaga kun segurado may maayong edukasyon ug tungod sa ilang maayong edukasyon, may trabaho silang respetado o tinamod, desente og luwas sa piligro. Dili tira pasagad sa desperado sama sa nahitabo karon.
Simple lang ang akong damgo para sa tanan. Simple lang ang gipitik sa akong kasingkasing para sa tanan. Simple lang: kinabuhing malipayon uban sa mga minahal sa kinabuhi dinhi sa kalibutan ug kinabuhing walay katapusan sa laing kalibutan. Simple lang.
Mao kana ang akong damgo, ug pangandoy. Mao kana ang atong misyon, mga matarong nga mga liders! Kinahanglan ang atong nasud og balangay makabalik sa pagbuhi (provide) sa atong mga katawhan ug mga pamilya. UGMARON NATU BALIK ANG ATONG NABIYAAN NGA KAUMAHAN. ARON TA GANAHAN MOBALIK SA PANGUMA, GASTUAN NATU PABALIK SA MGA DANGGAY ARON DILI NA KABATUAN, MAGCOMPOST FERTILIZER TA UG MAGGAMA UG MAGKUHA UG TUYO UG YUTA, GINAMIT ANG MGA SAGBOT, TAI SA MGA HAYOP UG ITI SA LANGGAM UG MANOK. Sa mubo nga pagkasulti, balik Organic Farming kita, kay mao kanang ang paagi sa atong maalamon ug mahigugmaon nga Dios.
Buhaton natu kini samtang wala pa kita mopanaw sa laing nasud o kalibutan. Sa dili pa kita mangapadpad sa layong kadapitan ug maka-hinagbo sa mga kalisud didto unya pa kita maka-amgo ug moingon: “Atong ipabalik ang atong kaumahan ug industriya sa balangay kay mouli mi ug diha na ako mo-retire.” Dili na kinahanglan manglangyaw o molayas pa kitang tanan palayo sa atong balangay o nasud. Gamiton natu ang atong abilidad ug gamay nga mga resources o bahandi, sama sa atong 20% Development Fund sa barangay IRA. Sa Seksyon 287 sa atong Local Government Code, ginaingon “Ang kada Lokal nga Pamahalaan kinahanglan mo-alokar gikan sa ilang tinuig nga badyet ug DILI MOMINOS 20% sa ilang income or abut para sa DEVELOPMENT PROJECTS kun pang-uswag nga mga proyekto.” So, pwede natu isaka ang 20% Development Fund ngadto sa 30% o 40% o 50%, depende, sa atong IRA nga labing minus P500,000.00 kada tuig. Kun gikinahanglan ug masabutan.
Sa ginaingon ko na, ang “main occupations” or gisaligang trabaho (main occupations) ug ang “support nga livelihood”, wala matagai ug prioridad o attention sa karon namo nga administrasyon kay ang majority sa Konseho uban sa atong kapitan mitan-aw ug ming-una sa kulang nga mga Infrastruktura.
Dili ko mo-blame nila. Sayod kamo gusto ko nga first priority ang PANGINABUHI kay makahulat ang atong barangay hall ug Day Care Center nga dili pa i-tiles, ug uban pa nga para kanako dili kaayo urgent (dinalian) nga mga proyekto. Apan kita demokrasya, MAJORITY RULES. Tahuron ang desisyon sa majority bisan pa man magutman ug matukmod sa kalisud ang kinabag-an. Dili magsilbi kun minority ang sakto kay matabunan sa majority nga sayop. If you want democracy to work, then, the majority must be righteous, wise and love-led, not greedy, not cunning.
Pero, miabot na ang panahon nga ang 50% to 75% sa atong Development Fund kinahanglang igahin na alang sa pagpaunlad sa panginabuhi sa atong mga pamilya. Human-human na ang mga basic nga mga infra. Sa kasamtangan, nagdaghan ang walay trabaho, napasagdan ang pagpauli ug pagpabuhi balik sa atong agriculture, wala kitay industriya, ang atong mga professional dili makatabang sa atong balangay – wala silay igong income nga ikasuportar bisan na lamang sa pagdevelop sa ilang inheritance nga yuta. Naglisud pud sila. Bisan gani ang pagpadala ug regular nga suporta sa ilang mga ginikanan o manghud, wala sila kahimo. Unsay meaning ana? Nga ang klase nga edukasyon karon nga focus sa employment, dili sarang makahaw-as kanato sa kalisdanan nga nagkasamot hinoon! Kinahanglang i-revise ug i-improve ang atong edukasyon. Daw may kulang. May kulang gani! Reform is necessary. Kahibalo ko ana. May idea ko ana.
Busa, mohangyo ako ninyo: KUN GUSTO KAMO MA-IMPLEMENTAR ANG ATONG MGA IDEA, PLANO o para-sa-kabos nga mga PLATAPORMA UG MAKAB-OT NATU ANG ATONG MGA DAMGO, buhata kining musunod karong Lunes, adlaw sa eleksyon:
1) Siguroa nga mibati sa atong kalisod ang pilion ninyo nga bag-o natung kapitan. Pasabut: Pabor siya sa atong priyoridad nga plataporma: trabaho sa mga kalalakin-an, ug livelihood sa pamilya. Sunod ana mao ang edukasyon, panglawas ug kabibo sa atong balangay, sayon ra na basta kwartahan na unya kita.
2) Kun dili ko ninyo taktakon, so, dugangi ako ug labing minos 3 ka mga kagawad nga (a) klaro nga pabor sa atong prioridad nga mga plataporma, ug importante kaayo (b) may edukasyon, kasinatian o experience nga makatabang sa atong trabaho nga pagpa-ugmad sa atong panginabuhi, livelihood ug kaisipan dinhi sa atong barangay.
3) Very important: Suportahi ang NO VOTEBUYING, NO VOTE-SELLING COVENANT kun kasabutan sa atong barangay. Pag-alert kamo. Ayaw kamo papalit sa inyong boto. Isalikway ang kwarta o suborno o unsa pang panghaylo nga dili makaayo. Ug mao kana ang gi-awhag sa atong simbahan, sa Comelec, sa atong Huwes, mayor, bise-mayor, ug ABC President niadtong miaging ELECTION ORIENTATION. Ayaw ninyo tagda si ABC President Sanggarios nga miingon sa participants paghuman sa Orientation: Ayaw mo ug tuo sa among gipang-inong. Gamit mo ug kwarta aron mo modaug” Morag iyang gipasabut: “Mao nay realidad. Kadtong among gisulti ug gitudlo ninyo sa Orientation, ideal ug impractical kadto. Ayaw tog tumana. Igo lang mi nagsanong sa among trabaho isip ABC President, Mayor, Vice-Mayor, Pari ug Huwes, ug COMELEC, pero human ug gawas na ana, dula na ta sa kwarta!” Mga kaigsoonan ko, dili kita magpadala sa ilang pamaagi sa municipal ug taas nga sa sulti OK pero dautan ang buhat. “Mag-tinumanon kita sa balaod sa Dios ug tawo” matud pa nila, pero sa buhat, opposite, kay palitay buto ug traydoray man, ma-SK election, o ma-ABC or ma-Mayor og uban pa. Kinahanglan limpiyo ang atong kasing-kasing, huna-huna o kunsinsiya ug binuhatan. Kun mahadlok kamo sa 7 ka tunglo sa Pinadayag 16 diin ang No. 1 mao ang mga cancer, diabetes, stroke, STDs, AIDS ug uban pa, ug ang ika-5 mao ang pagkahagsa sa pamunuan (v. 10 ug kapitolo 18), tumana ang gitambag-mando sa atong Dios Amahan: “Gawas kamo sa iyang dautang mga pamaagi, O katawhan Ko, aron dili kamo maangin, mahiapil sa iyang mga sala ug mga tunglo (silot)” apil na ang 7 ka Katapusang Katalagman o tunglo sa Pinadayag or Revelation 16. Biyaan natu ang hugaw nga pamaagi sa eleksyon. PILIA ANG QUALIFIKADO SA KASINGKASING o may gugma ug kalooy sa mga kabus UG SA PANGISIP, meaning: may kahibalo nga mopatuman o mokab-ot unsa ang gipitik sa iyang kasingkasing, meaning: ang mga panginahanglan sa katawhan karon ug ugma damlag.
Kun sa inyong mga kasingkasing uyon kamo sa akong gipamulong, busa, hatagi ug gibug-aton ang kandidatura sa musunod nga mga kandidato pagka-kagawad: Dodong Wel, Dodong Gorio, Oloy, Jerome, ug ako. Si Nong Jun-jun ba kaha o si bisan kinsa nga (1) kasingkasing para kabos ug (2) plano para sa kabuhian ug kaugmaon sa atong katawhan. Kamo na lay pili sa listahan sa mingkandidato basta aduna na koy gi-rekomendar.
Sa ako nang gikaingon, nagkinahanglan ako ug dugang labing minus 3 ka pro-livelihood, pro-development, pro-poor, pro-education nga mga kagawad aron makab-ot ang majority sa Konseho aron mapatuman natu ang atong mga plano.
Kun dili kamo mosuportar sa akong gisugyot ug gihangyo, maglisud gyud ang sunod nga administrasyon – mabag-o man ugaling, pero mao gihapon: Dili maka-palambo sa atong balangay kay wala man ninyo pakidak-i ang tumong sa ilang kasingkasing ug ang kapasidad o abilidad o kahibalo sa ilang kaisipan. Kasingkasing ug kaisipan gyud ang importante kay mao kini ang mo-determine o magbuot unsaon paggamit ang 20% Development Fund, ug alang kang kinsa: kaayohan ba sa katawhan o dungog ug kaayuhan ba lamang sa lider? Kun makalusot ko gihapon, mahimong dili gihapon“useful” ni mabungahon ang akong pagbalik sa atong Barangay Council. Para naku, dili kaayo useful ang subra nga physical infrastructure. Human development ang pinaka-importante nga responsibilidad sa mga lider.
VOTE BY CONSCIENCE AND VOTE BY ASSESSING THE (1) LOVE, (2) WISDOM, (3) CHARACTER SA MGA CANDIDATES. Gradohi kun sukda ang ilang mga pangisip ug kasingkasing. Hatagi ug higayon kaming mga lantip ug buutan nga maoy mo-dumala sa renda sa pangagamhanan ug modumala sa inyong mga buhis (IRA) aron ninyo makita ang among agi! Kay unsaon man pagkaagi namo kun laing klasi sa tawo o lider ang inyong gipili nga maoy muhawid-dumala sa atong goberno? Unya kusog mo moingon nga pakit-a sa mi sa resulta? Ari una nang 20% Development Fund ug anha ninyo makita kun unsa molihok ang mga lantip ug buutan! Ayaw saligi nang mga bobo, mangingilad ug kawatan, pusing ray lami ana! Wolf in sheep’s clothing na sila. Wolf inside the barong tagalog sitting in the chair of the mayor with this title: “Honorable so and so.” Dili tanan pero kasagaran, lobo nga kawatan. Ang mga lantip ug buutan nagpadaplin na lamang kay dili man kamo kamao mamili. Kwarta may giapas sa kadaghanan ninyo, pwera ang dili ingon ana. Pero majority gayud ang ingon ana. Busa, kadto rang hawod ug sama-kaabtik sa kilat nga mangawat ang maka-afford ug milyon-milyon. So, sila ray modaug sa election kay dili man datu kasagaran ang mga buutan. Ang mga honest, dili man maka-hipos ug milyon-milyon kay ang ilang kahago ug kakugi may ilang gigamit, dili man ang klepto nga kamot.
See? Taronga sa ninyo ang inyong pamaagi o basihanan sa pagpili aron magpapili na ang mga lantip nga buutan. Kay kun dili, ang dili buutan lang ang moapil sa eleksiyon. Ug mao kana sila ang wala maglantaw sa inyong kaayohan!
Ang lantip nga buutan dili moapil. Pero mao laba kana sila ang tinuuray nga naglantaw sa inyong kaayuhan!
No comments:
Post a Comment